عسلامة ياللي نسيتني

عسلامة

ياللي نسيتني

عسلامة ياللي في إسمي نسيتني، عسلامة ياللي في ولادي بكيتني، عسلامة ياللي في الغربة عزيتني، عسلامة ياللي من بعيد واسيتني

و عسلامة ياللي فوق جناحك هزيتني وعليتني، و ثورة ياسمين كتبتني وسميتني، عسلامة ياللي في البوعزيزي شويتني، في بالعيد و البراهمي و نذر كويتني، في سقراط و السلطاني، و الأمنيين و الجنود، قتلتني و يتمنتني و نسيتني. في نذير وسفيان ما لقيتني، عسلامة ياللي بالرش عميتني، في شارع بورقيبة، هزيتني وعليتني، إسم الشهيد كتبتني وخليتني، عسلامة ياللي إرهاب سميتني، وفي النقاب خبيتني، وعورة نادتيني

عرفتني أني شكون ولا مازلت تلوج؟ أني تونس جيت نسلم، على تونس الثورة نتكلم

أني تونس يلي نسيتني، في بن علي، هربت وخليتني، في الباجي وليت تلاجي، على تونس وليت تناجي

أني تونس جيت نسلم، على تونس القديمة نتكلم، على الشاشية والجبة العربي التونسية، وأم الزين الجمالية، متزينة لابسة السفساري، قدها في التخليلة يا وخياني، متلفلفة في الحرم، والملية في الحزام، لابسة البلغة والجبة العكري، في الحومة العربي في البرنوس متخبية تغني على المقياس نغني

أني تونس جيت نسلم، على تونس الحلال والحرام نتكلم، أني تونس سميتوني، فددتوني و قتلتلوني، يتمتوني، عقدتوني، مرمدتوني،  وخنقتوني. فوق الكراسي حطيتوني، بين المجالس بعتوني، ارهابيية، سجلتوني، رديتوني علمانية، سلفية و شيعية، و شيوعية و يهودية، و مسيحية و إسلامية و بربرية و أمازيغية، مسيتوني في الهوية

و نسيتو إلي أنا تونسية، نسيتو إلي اليهودية والمسيحية، ديانات سماوية، نسيتو إلي جاكوب جارو محمد،  نسيتو إلي الإسلام، ماهو إرهاب، نسيتو إلي تونس ماهي أرض رهان، وإلي مهما مشيت وحكيت و نسيت، في تونس بعت وشريت، وسلاح هزيت، ورش رميت، وجنود بكيت، في العالم سودت ومددت، إلي التونسي تونسي، والدينار دينار، وما يبقى في الواد كان حجرو

أني تونس جيت نسلم، على تونس الحرة نتكلم، جيت نسلم، في فترابك يا خضرة ما نسلم، و تحيا تونس

اسمعوها بصوت فدوى مع العود هوني

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

w

Connecting to %s

%d bloggers like this: